Erandio, 2026ko azaroak 19a – Erandioko Udalak, Erandio Lagunkoia proiektuaren barruan, mugikortasun segurua sustatzeko informazio-triptiko berria prestatu du.
2026ko urriaren 1ean zirkulazio-araudiaren aldaketak indarrean sartu ziren, oinezkoen, txirrindularien eta patinete elektrikoen erabiltzaileen segurtasuna indartzeko helburuarekin.
Testuinguru horretan, triptiko honen bidez, herritarrei bizikleten eta patinete elektrikoen erabilerari buruzko arauak eta segurtasun-gomendioak modu argi eta errazean helarazi nahi zaizkie, bide-segurtasuna hobetzeko eta bide publikoaren erabiltzaileen arteko bizikidetza sustatzeko.
Zer informazio jasotzen dute triptikoek?
Materialak Erandion segurtasunez mugitzeko oinarrizko arauak eta gomendioak biltzen ditu:
- Non zirkulatu: bizikletak eta patinete elektrikoak nondik ibil daitezkeen.
- Abiadura-mugak: bidegorrietan eta gainerako bideetan errespetatu beharreko mugak.
- Segurtasun-neurriak: kaskoaren erabilera, argiak eta elementu islatzaileak.
- Patinete elektrikoen araudia: gutxieneko adina, dokumentazioa eta zirkulazio-baldintzak.
Erandio Lagunkoiatik, herritar guztiak mugikortasun-arauak ezagutzera eta errespetatzera animatzen ditugu, Erandio seguruagoa eta pertsona guztientzat atseginagoa izan dadin.
📄 Kontsultatu informazio-triptikoa
